პროექტი: რა არის ელვა?



      ცაზე ლაზერის დაკბილული სხივის მსგავსი ელვა გაკრთება, ხეს მეხი ეცემა და ნახშირდება. მეხი თვალწარმტაცი და თან საშიში მოვლენაა და მაინც რა არის ეს უცნაური, მძვინვარე ენერგია, რომელიც ციდან ეშვება?
პროექტის მიზანი :(კავშირი ეროვნულ სასწავლო გეგმასთან)
ბუნ.VIII.8.მოსწავლე ახასიათებს დამუხტულ სხეულთა ურთიერთქმედებას
შედეგი თვალსაჩინოა, თუ მოსწავლე:
·         ცდების საფუძველზე აკვირდება სხეულთა დამუხტვას, აანალიზებს და აღწერს მათ ურთიერთქმედებას.
·         ჩამოთვლის დამუხტვის მაგალითებს ყოველდღიური ცხოვრებიდან და მსჯელობს პრაქტიკაში მათი გამოყენების შესახებ.
·         მოიპოვებს ინფორმაციას ბუნებაში ელექტრული მოვლენების შესახებ და ჯგუფური მუშაობის შედეგად შეიმუშავებს უსაფრთხო ქცევის წესებს ჭექა-ქუხილის დროს, აკეთებს პრეზენტაციას.
პროექტის ძირითადი შეკითხვა: რა არის ელვა და საიდან ჩნდება ატმოსფეროში ელექტრობა?
პროექტის მოკლე აღწერა:
1.      მოსწავლეები მოიძიებენ ინფორმაციას ბუნებრივი ელექტრული მოვლენის ელვის შესახებ, გაეცნობიან ფრანკლინის მიერ ჩატარებულ ცდებს.
2.      სხეულთა დამუხტვის სადემონსტრაციოდ ჩაატარებენ ცდებს, გამოარკვევენ როგორ და რატომ იმუხტებიან სხეულები, დააკვირდებიან დამუხტული სხეულების ურთიერთქმედებას. ექსპერიმენტის შედეგებს გადაამოწმებენ ვირტუალური ლაბორატორიის გამოყენებით
3.      მოძიებულ მასალას, ექსპერიმენტის შედეგებს წარმოადგენენ კლასის წინაშე გამზადებული პრეზენტაციის სახით
ვადები:  ორი კვირა






  • Digg
  • Del.icio.us
  • StumbleUpon
  • Reddit
  • RSS

სასწავლო პროექტი-" შეეძლო თუ არა არქიმედეს დედამიწის აწევა"



პროექტის სახელწოდება: „შეეძლო თუ არა არქიმედეს დედამიწის აწევა?“
           „მომეცით საყრდენი წერტილი და დედამიწას ადგილიდან დავძრავ“ - ეს სიტყვები არქიმედეს ეკუთვნის და სწორედ მაშინ წარმოთქვა, როცა ბერკეტის წონასწორობის პირობას მიაგნო.
პროექტის მიზანი: უძრავი ან მოძრავი სხეულის წონასწორობის პირობის დადგენა. ბერკეტის როგორც მარტივი მექანიზმის შესწავლა და იმის დადგენა თუ როგორ გამოიყენება იგი ტექნიკასა და ყოფაცხოვრებაში. მექანიკის ოქროს წესის შესწავლა.
       დაკვირვების, აღწერის, ინფორმაციის მოძიების, ჰიპოტეზის გამოთქმის და დასკვნის გამოტანის, საკუთარი მოსაზრების პრეზენტაციის  უნარის განვითარება.
პროექტის შედეგი:  მოსწავლე მოიპოვებს ინფორმაციას ძველი ბერძენი მეცნიერის არქიმედეს მოღვაწეობის შესახებ. გამოიკვლევს სხეულის წონასწორობის პირობებს ექსპერიმენტის საშუალებით, დაამზადებს ბერკეტის მარტივ მოდელს, გამოთქვამს ჰიპოთეზას ბერკეტის მოქმედების პრინციპის შესახებ და  ცდების ჩატარებით ასაბუთებს მას. აკეთებს მათემატიკურ გამოთვლებს და მიღებულ შედეგებს, საკუთარ მოსაზრებებს წარმოადგენს კლასის წინაშე.
პროექტის მოკლე აღწერა:  ისტორიიდან ცნობილია რომ „ერთხელ არქიმედემ მისწერა სირაკუძის მეფეს ჰიერონს, რომ თუ მას სხვა დედამიწა ექნებოდა, მასზე გადავიდოდა და ჩვენსას ადგილიდან დასძრავდა“
ცხადია არქიმედემ კარგად იცოდა, რომ არ არსებობს ტვირთი, თუნდაც ძალიან დიდი მასის, რომლის აწევასაც იგი საკუთარი ძალებით ვერ შეძლებდა, რადგან მას კარგად მოეხსენებოდა ბერკეტის როლი ამ საქმეში. ჩვენ გვსურს  ცდების ჩატარებით და მათემატიკური გამოთვლებით დავადგინოთ  არქიმედეს მართლაც რომ ჰქონოდა „სხვა დედამიწა“ შეეძლო კი განეხორციელებინა თავისი მამაცი იდეა.

  • Digg
  • Del.icio.us
  • StumbleUpon
  • Reddit
  • RSS

პრეტესტი ფიზიკაში-2011


35 კგ მასის ბიჭი ზის ველოსიპედზე, რომლის მასაა 5 კგ და მოძრაობს 2 მ/წმ სიჩქარით. რამდენი ჯოულით მეტია ბიჭის კინეტიკური ენერგია ველოსიპედის კინეტიკურ ენერგიაზე?
40 ჯ–ით;         60 ჯ–ით;        80 ჯ–ით;        120 ჯ–ით

ბავშვმა გაიარა 60 მ აღმოსავლეთის მიმართულებით, შემდეგ კი – 80 მ სამხრეთის მიმართულებით. ამ დროს ბავშვის  გადაადგილების მოდულია:
 20 მ;          70 მ ;                   100 მ;            140 მ

ელექტრული დენი ეწოდება
დამუხტული ნაწილაკების ნებისმიერ მოძრაობას.
 ნაწილაკების მიმართულ მოძრაობას.
 მხოლოდ ელექტრონების მიმართულ მოძრაობას.
 დამუხტული ნაწილაკების მიმართულ მოძრაობას.

ცილინდრულ ჭურჭელში, რომლის სიმაღლეა 60 სმ, სამ მეოთხედზე ჩაასხეს წყალი. განსაზღვრეთ წნევა ჭურჭლის კედელზე წერტილში, რომელიც დაშორებულია ფსკერიდან 5 სმ–ით (ატმოსფერული წნევა უგულებელყავით).                                წყლის სიმკვრივეა 1000კგ/მ3.
  800 ნ/მ2;         1200 ნ/მ2;        4000 ნ/მ2;      5500 ნ/მ2

მუშამ 60 კგ მასის ტვირთი 10 წთ–ში აიტანა 15 მ სიმაღლეზე. რა საშუალო სიმძლავრე განავითარა მუშამ ამ დროს?
1,5 ვტ;          15 ვტ;           150 ვტ;               900 ვტ

ორი გამტარის მიმდევრობითი შეერთებისას ძაბვა პირველ გამტარზე არის120ვ , მეორე გამტარზე კი – 220ვ. სრული   ძაბვა აკმაყოფილებს პირობას:
               U= U1+U2;                                 U=U1=U2;
 ორ ერთნაირ ლითონის ბურთულას აქვს: პირველს (+10) მკკ, ხოლო მეორეს (–6) მკკ მუხტი. რა მუხტი  ექნება თითოეულ მათგანს მას შემდეგ, რაც ბურთულებს შეახებენ და კვლავ დააშორებენ ერთმანეთს?
 პირველს (+10) მკკ; მეორეს (–6) მკკ 
 პირველს (–6) მკკ; მეორეს (+10) მკკ
 პირველს (+4) მკკ; მეორეს 0 მკკ
 პირველს (+2) მკკ; მეორეს (+2) მკკ
სხეული გაათბეს  100ºC–ით. ტემპერატურის ნაზრდი კელვინებში არის:
-173 K;      100 K;                  273 K;                  373 K
წყალში მოტივტივე ერთგვაროვანი სხეული ჩაძირულია თავისი მოცულობის 3 / 5 – ით.  იპოვეთ სხეულის მასალის სიმკვრივე.
 400 კგ/მ3          500 კგ/მ3                 600 კგ/მ3                    800 კგ/მ3

ორი ტოლი სიდიდის ელექტრული წინაღობა ერთხელ შეაერთეს მიმდევრობით, ხოლო მეორეჯერ – პარალელურად. რისი ტოლია Rმიმდ/Rპარ ფარდობა?
 1/4;                       1/2;                      2;                        4

ქვა აისროლეს ვერტიკალურად ზევით. როგორია   მისი აჩქარება ტრაექტორიის უმაღლეს წერტილში? (ჰაერის წინააღმდეგობა უგულებელყავით)

                        ნულის ტოლია
                        g/2, მიმართულია ქვევით
                        g, მიმართულია ქვევით
                        g, მიმართულია ზევით

თოკის გაჭიმვისას მაქსიმალური დაჭიმულობის ძალა, რომელზეც იგი ჯერ კიდევ არ წყდება,  არის 400ნ. თოკზე რიგრიგობით უმატებენ 4 კგ-იან საწონებს. მერამდენე საწონის ჩამოკიდების შემდეგ გაწყდება თოკი?
მე–10 ;        მე–11 ;        მე–100 ;         101–ე

რომელია უფრო ინერტული?
100 კგ მასის მქონე მოჭიდავე, რომელიც წევს ტატამზე.
 75 კგ მასის სპრინტერი,  რომელიც გარბის  10 მ/წმ სიჩქარით.
 60 კგ მასის მქონე ჭოკით მხტომელი, რომელიც გარბის 5 მ/წმ სიჩქარით.
 60 კგ მასის მქონე სიგრძეზე მხტომელი, რომელიც გარბის 7,5 მ/წმ სიჩქარით.~

რომელი ფორმულაა მცდარი დენის P სიმძლავრისათვის?
P=U2/R ;                  P=IU ;                  P=I2 U;                   P=I2 R

სხეულმა 15 ºC–ით გაცივებისას გასცა 900 ჯ სითბოს რაოდენობა. სითბოს რა რაოდენობას გასცემს ეს სხეული 45 ºC –ით გაცივებისას?
20 ჯ              60 ჯ                   300 ჯ                      2700 ჯ

მოცემულია სამი სხეული. პირველის სიმკვრივეა 1,1 კგ/მ3, მეორის – 1,3 კგ/მ3, მესამის – 1,5 კგ/მ3 . რომელი მათგანი ჩაიძირება სითხეში, რომლის სიმკვრივეა 1,4 კგ/მ3?
არცერთი;   მხოლოდ პირველი და მეორე;   მხოლოდ  მესამე;   სამივე


  • Digg
  • Del.icio.us
  • StumbleUpon
  • Reddit
  • RSS

პროექტი: რატომ ჩნდება ცისარტყელა?


                        პროექტი:   რატომ ჩნდება ცისარტყელა?
პროექტის მოკლე აღწერა: სინათლის ტალღურ ბუნებაზე დაკვირვება და სინათლის დისპერსიის(თეთრი სინათლის ფერებად დაშლის ) მოვლენის ექსპერიმენტული დასაბუთება. სამყაროს მრავალფეროვნების აღქმის პროცესში სინათლის ძირითადი როლის გამოვლენა. ცისარტყელას წარმოქმნის პირობების გამორკვევა და სპექტრის ფერების შესწავლა.
პროექტის მიზანი და კავშირი ეროვნულ სასწავლო მიზნებთან:
ბუნ.IX.9 მოსწავლე იკვლევს სინათლის გავრცელებას
შედეგი თვალსაჩინოა, თუ მოსწავლე:
·         ატარებს ცდებს სინათლის გავრცელების შესასწავლად
·         აკვირდება და აღწერს სინათლის გავრცელებას ერთგვაროვან და არაერთგვაროვან გარემოში(გარდატეხა, ფერებად დაშლა)
პროექტის მსვლელობა:
 1) აქტივობა- პროექტზე მომუშავე ჯგუფების შექმნა,საორგანიზაციო საკითხების მოგვარება.
2) აქტივობა-ჯგუფების შეხვედრა ი.გოგებაშვილის მოთხრობა „ცისარტყელა“-ს გაცნობა და გარჩევა
3) აქტივობა- ჯგუფებს შორის შესასრულებელი სამუშაოს დანაწილება:
1-ჯგუფი -„თეორეტიკოსები“
მოიძიონ ინფორმაცია და წარმოადგინონ პრეზენტაცია  თემაზე: “ რატომ ჩნდება ცისარტყელა?“
2-ჯგუფი-„მკვლევარები“
გამოთქვან ვარაუდი სინათლის დისპერსიის გამომწვევ მიზეზებზე და ექსპერიმენტული კვლევის გზით დაასაბუთონ გამოთქმული ვარაუდი. მიღებული შედეგი გადაამოწმონ ვირტუალური ლაბორატორიის გამოყენებით
3- ჯგუფი-„პრაქტიკოსები“
მოიძიონ ინფორმაცია და წარმოადგინონ პრეზენტაცია თემაზე-„როგორ  ვხედავთ ფერებს?“
მონაწილეთა ასაკი-14-15წელი
ვადები-2 კვირა
პროექტის ხელმძღვანელი- ფიზიკის პედაგოგი ნონა გორგაძე

  • Digg
  • Del.icio.us
  • StumbleUpon
  • Reddit
  • RSS

პროექტი- " ბგერითი ტალღები და ადამიანის ჯანმრთელობა"


 ძირითადი შეკითხვა: ყოველთვის სასარგებლოა ბგერითი ტალღები ცოცხალი ორგანიზმებისათვის?
პროექტის მიზანი: ექსპერიმენტული კვლევის გზით მოსწავლეებმა შეისწავლონ ბგერითი ტალღები, დაამყარონ შესაბამისობა ბგერის მახასიათებელ სიდიდეებს შორის და დაასაბუთონ გამოთქმული ვარაუდები ბგერითი ტალღების შესახებ. 
(სიხშირე, ამპლიტუდა, ტონი, ხმამაღლობა). შეისწავლონ და დაახასიათონ ცოცხალ ორგანიზმებში ბგერის წარმომქმნელი და მიღები ორგანოები. მოიძიონ ინფორმაცია  და ექსპერიმენტის ჩატარების პროცესში დააკვირდნენ როგორ მოქმედებს ბგერითი ტალღები ადამიანზე, გაიგონ რა განსხვავებაა ხმაურსა და მუსიკას შორის. გამოყონ დადებითი და უარყოფითი მხარეები. მოიძიონ ინფორმაცია რა საშუალებებით შეიძლება შევამციროთ ბგერიტი ტალღების უარყოფითი ზეგავლენა. შეისწავლონ და დაახასიათონ ინფრაბგერები და ულტრა- ბგერები და გაარკვიონ მათი როლი თანამედროვე მედიცინასა და ყოფაცხოვრებაში.
კავშირი ეროვნულ სასწავლო გეგმებთან:
 ფიზიკა
·         მოსწავლემ შეძლოს ბგერის, როგორც ტალღის დახასიათება რაოდენობრივად, თვისებრივად.
·         ექსპერიმენტულად შეისწავლოს ბგერის წარმოქმნა და გავრცელება(ვირტუალური ლაბორატორია), მოიპოვოს ინფორმაცია სხვადასხვა გარემოში ბგერის გავრცელების სიჩქარის შესახებ, გამოთქვას ვარაუდი განსხვავების გამომწვევ მიზეზებზე     http://www.youtube.com/watch?v=DZP5u53xlUk
    http://aquatoria.net/fakty-o-vode/unikalnye-svojstva-vody.html


        მოიპოვოს ინფორმაცია ცხოველებისა და ადამიანების მიერ აღქმული ბგერის შესახებ გააანალიზოს და წარმოადგინოს დიაგრამის სახით. 
 ბიოლოგია
შეისწავლონ და დაახასიათონ სმენის ორგანო- ყური დააკვირდნენ ბგერების მოქმედებას ადამიანის ორგანიზმზე და გამოყონ დადებითი და უარყოფითი მხარეები
 მუსიკა
·         კლასიკური მუსიკა
·         ხმაური

      მოქმედებები და აქტივობები:
      პროექტზე მომუშავე ჯგუფების შექმნა და შესასრულებელი სამუშაოს განაწილება
           ა) ფიზიკოსები-მოიძიონ  ვიდეო, აუდიო მასალა და  ჩაატარონ ექსპერიმენტი ბგერიტი ტალღების წარმოშობასა და გავრცელებაზე. ინფრა და ულტრა ბგერებზე.
        ბ) ბიოლოგები- რატომ გვესმის ბგერები და როგორ ხდება ინფორმაციის მიწოდება და მიღება ცოცხალ ორგანიზმებში? როგორი აგებულება აქვს ყურს? როგორ ახსნით იმ ფაქტს რომ ადამიანს შეუძლია გაიგონოს მხოლოდ განსაზღვრული სიხშირის ბგერითი ტალღები? 
      გ) მუსიკოსები და ექიმები- ბგერითი ტალღები სასარგებლოა, ხომ არ შეიძლება რომ იგი საზიანოც იყოს? როგორი მუსიკა ამშვიდებს? სმენას და ხმას გაფრთხილება უნდა?

     დ) ინჟინრები- მოამზადონ მოწყობილობა ბგერითი ტაღების სადემონსტრაციოდ და მოიძიონ ინფორმაცია ხმაურთან ბრძოლის მეთოდებზე
მონაწილეთა ასაკი: 14-15წელი
ვადები ხანგრძლივობა- ერთი კვირა

პროექტის ფასილიტატორი: ნონა გორგაძე ფიზიკის პედაგოგი

  • Digg
  • Del.icio.us
  • StumbleUpon
  • Reddit
  • RSS

გაკვეთილის გეგმები და პრეზენტაციები


https://docs.google.com/open?id=0B4ah_rMKHSOfYjFnT2Yta2plTUU

https://docs.google.com/document/pub?id=1RKC01845MNJG37J7fkZ07KEFUhsVLn8mxTlRy4G1AkE
https://docs.google.com/present/view?id=dfth94xx_1837c3c6kkdn

  • Digg
  • Del.icio.us
  • StumbleUpon
  • Reddit
  • RSS

პროექტი - წყალი ბუნების სასწაული



 1.პროექტის სახელი: წყალი ბუნების სასწაული
 2.პროექტის მთავარი იდეა: წყლის ფიზიკური, ქიმიური და ბიოლოგიური თვისებების შესწავლა ექსპერიმენტული კვლევის გზით. წყლის უნიკალური თვისების (ყველა სხვა სითხეებისაგან განსხვავებით) - გაფართოება როგორც გაცივებისას ისე გაცხელებისას გამოკვლევა და ამ თვისების გადამწყვეტი როლის გააზრება ოკეანისა და საერთოდ წყლის ბინადართა განვითარების  პროცესში.
3. პროექტის აქტუალობა: წარმოდგენილი სასწავლო ინტეგრირებული პროექტი გათვლილია VIII-IX კლ მოსწავლეებზე, რომლებიც სწავლობენ ფიზიკას, ქიმიას, ეკოლოგიას. პროექტის მსვლელობისას მოსწავლეები გაიაზრებენ რა როლი აქვს წყალს ბუნებაში, მოსწავლეებს განუვითარდებათ ექსპერიმენტული კვლევის, ჯგუფური მუშაობის, ინფორმაციის მოძიების და მასალის პრეზენტაციის უნარჩვევები.
4. პროექტის მიზნები: კვლევითი ექსპერიმენტის ჩატარების პროცესში მოსწავლეები უშუალოდ დააკვირდნენ წყლის აგრეგატული მდგომარეობების ცვლილების გამომწვევ მიზეზებს და ახსნან მოლეკულულ კინეტიკური თეორიის თვალსაზრისით. გამოიკვლიონ წყლის უნიკალური თვისება-გაფართოება როგორც გაცივებისას ისე გაცხელებისას გამოკვლევა და ამ თვისების გადამწყვეტი როლის გააზრება ოკეანისა და საერთოდ წყლის ბინადართა  სიცოცხლისათვის. მოამზადონ რეფერატი თემაზე : 1) წყლის ციკლი ბუნებაში, 2) წყალი- ეკოლოგიური კატასტროფის მიზეზი.(დაახასიათონ  წყალი როგორს ცოცხალი და არა ცოცხალიბუნების არსებობის აუცილებელი ბუნებრივი პროდუქტი ისე წყალი როგორც ეკოლოგიური საფრთხე)  შესრულებული ნამუშევრები წარმოადგინონ კლასის წინაშე გამზადებული პრეზენტაციების სახით.
5. მონაწილეთა ასაკი: 14-15 წელი
6. ვადები/ხანგრძლივობა: 20.02.12-24.02.12(ერთი კვირა)
7. მოსალოდნელი შედეგები/ პროდუქტები, რაც შეიძლება შეიქმნას:  შეიქმნას ბლოგი, სადაც მოსწავლეები გამოაქვეყნებენ თავიანთი ექსპერიმენტული დაკვირვების შედეგებს, შეადგენენ ცხრილებსა და დიაგრამებს წყლის ეკოლოგიური მდგომარეობის შესახებ, გადაღებული სურათებით, შესრულებული ნახატებითა და პლაკატებით  მოწყობილი   გამოფენა.
8. პროექტისათვის საჭირო ძირითადი რესურსები: ექსპერიმენტის ჩასატარებლად საჭირო მინი ლაბორატორია, საკანცელარიო ნივთები, საინფორმაციო ტექნოლოგიები, ინტერნეტი
ხელმძღვანელი: ნონა გორგაძე
Gorgadzenona71@gmail.com

  • Digg
  • Del.icio.us
  • StumbleUpon
  • Reddit
  • RSS